سوودانی: لەبارەی هێرشەکەی کۆرمۆرەوە گەیشتووین بە هەندێک سەرەداو

ئاڤا نیوز

 

سەرۆکوەزیرانی عێراق دەڵێت، گەیشتوونەتە هەندێک سەرەداو و ئاماژە لەبارەی ئەوانەی لە هێرشەکەی کێڵگەی غازی کۆرمۆر تێوەگڵاون و ئەو کەسانە دەدۆزنەوە کە بەشداربوون لە هێرشەکەدا.

 

ڕاگەیێنراوی فەرمی: هاوپەیمانیی بەڕێوەبردنی دەوڵەت هێرشەکەی کۆرمۆر سەرکۆنە دەکات و دەڵێت،  لە کۆبوونەوەی شەوی ڕابردووی هاوپەیمانییەتەکەدا، محەممەد شیاع سوودانی، سەرۆکوەزیرانی عێراق گوتوویەتی: گەیشتوونەتە سەرەداو لەبارەی هێرشەکەوە بۆ ئەوەی بتوانن ئەو کەسانە بدۆزنەوە کە بەشداربوونە تێیدا، هەرکاتێک لێکۆڵینەوەکە تەواو بوو، دەدرێنە دادگە.

 

زانیاری زیاتر: کۆبوونەوەی هاوپەیمانی بەڕێوەبردنی دەوڵەت کە نێچیرڤان بارزانی، سەرۆکی هەرێمی کوردستان ئامادەبوو، تێیدا چەندین پرس تاوتوێکراون لەوانەش پەیوەندییەکانی عێراق لەگەڵ وڵاتان و گرێبەستەکان، سەردانی ئەردۆغان و پرسی سەرۆکی ئەنجوومەنی نوێنەران.

 

ئەوەی پێویستە بیزانیت: ئێوارەی ڕۆژی 26-4-2024، بە درۆنێک کێلگەی غازی کۆرمۆر لە قەزای چەمچەماڵ کرایە ئامانج و بەو هۆیەوە چوار کەس کوژران و ژمارەیەکی دیکەش برینداربوون.