یەکێتیی ئەوروپا ئەرکی ڕاوێژکاری لە هەرێمی کوردستان و عێراق درێژ کردەوە

ئاڤا نیوز  

یەکێتی ئەوروپا، ئەرکی نوێنەرایەتی ڕاوێژکاری لە هەرێمی کوردستان و عێراق تاوەکو ساڵی 2026 درێژ کردەوە. 

وێنە گەورەکە: ئەمڕۆ ئەنجوومەنی یەکێتیی ئەوروپا بڕیاری بەردەوام بوونی ئەرکی ڕاوێژکارییان لە هەرێمی کوردستان و عێراق پەسەند کرد، تاوەکو 30ی نیسانی 2026 بەردەوام دەبن.

 
ڕێککەوتنەکە بەم شێوەیەیە: یەکێتیی ئەوروپا بڕیاریداوە لە ماوەی دوو ساڵی داهاتوودا بڕی 66 ملیۆن یۆرۆ وەک بوودجەی سەرەکی تەرخان بکات. 

زانیاریی زیاتر: بڕیارەکەی ئەمڕۆ وەک بەشێک لە پێداچوونەوەی ستراتیژی ئەو ئەرکە درا کە لەلایەن لیژنەی سیاسی و ئەمنییەوە پێشنیاز کرابوو.

باکگراوند: نوێنەری ڕاوێژکاری یەکێتی ئەوروپا، لە ساڵی 2017 لەسەر داوای حکومەتی عێراق بۆ ڕاوێژ سەبارەت بە چۆنیەتی ئەنجامدانی چاکسازی لە کەرتی ئەمنیی مەدەنی، بنکەیان لە هەرێمی کوردستان و عێراق دامەزراند.