لە بەردەم مەکتەبی سیاسیی یەکێتی لە هەولێر خۆپێشاندان دژی بەقاچاخهێنانی هێلکە دەکرێت

ئاڤا نیوز 

خاوەن کێڵگەکانی پەلەوەر لە بەردەم مەکتەبی سیاسیی یەکێتیی نیشتمانی کوردستان لە هەولێر، دژی بەقاچاخهێنانی هێلکە گردبوونەوە و داوا دەکەن لە سنووری پارێزگای سلێمانی ڕێگری لە بەقاچاخهێنانی هێلکە بکرێت. 

 

وێنە گەورەکە: سەرەڕای هەوڵەکانی حکومەتی هەرێمی کوردستان بۆ ڕێگریکردن لە هاوردەکردنی ئەو بەرهەمانە، بەڵام لە بەشێکی دەروازە سنوورییەکانی هەرێمی کوردستان، بەشێوەی نایاسایی ئەو بەرهەمانە هاوردە دەکرێن.

 

زانیاریی بەدەستهاتوو: ڕۆژانە لە دەروازەی سنووریی پاشماخ 20 تاوەکو 30 ئۆتۆمبێلی بارهەڵگر بەشێوەیەکی نایاسایی هێلکە هاوردەی هەرێمی کوردستان دەکەن، بۆ هەر ئۆتۆمبێلێکیش بڕی 4500 دۆلار وەردەگیرێت. 

 

ئەوەی ئێستا ڕوودەدات: خاوەن پڕۆژەکانی وەبەرهێنان لەبەردەم مەکتەبی سیاسیی یەکێتی لە هەولێر گردبوونەتەوە و داوای ڕێگریکردن لە هاوردەکردنی هێلکە دەکەن. 

 

زیانی سەرەکی: هێلکەی ئێرانی بەشێوەیەکی ڕاستەوخۆ کاریگەری لەسەر بەرهەمی خۆماڵی کردووە، ئەمەش خاوەن کێڵگەکانی پەلەوەری نیگەران کردووە.