سکاڵا دژی درامای 'ئەفعی تاران' تۆمار دەکرێت

 ئاڤا نیوز

دادوەری باڵای ئێران، درامای 'ئەفعی تاران' بە تاوان ناو دەبات و سکاڵا دژی بەرهەمهێنەرانی دراماکە تۆمار دەکات.

ئەوەی پێویستە بزانیت: دوای بڵاوبوونەوەی چەند زنجیرەیەک لە درامای 'ئەفعی تاران' و پیشاندانی دیمەنی تۆڵەسەندنەوەی پیاوێک لە مامۆستاکەی، بەهۆی لێدان و ئەشکەنجەدانی خۆی و هاوپۆلەکانی لە سەردەمی منداڵی، ئەمەش بووەتە هۆکارێک دادوەریی باڵای ئێران سکاڵا دژی دراماکە تۆمار بکات.

 

زانیاریی زیاتر: شرۆڤەکاران ئەم کاردانەوەی دادوەریی باڵای ئێران وەک بەردەوامیدان بۆ زیاترکردنی سانسۆرەکان لەسەر بەرهەمە ناوخۆییەکان لێکدەدەنەوە و بەرهەمهێنەرانی دراماکەش تاوەکو ئێستا بێدەنگییان هەڵبژاردووە.

 

باکگراوند: درامای 'ئەفعی تاران' لە دەرهێنەریی سامان موقەدەمیە و پەیمان مەعادی، ئەکتەری سەرەکیی دراماکەیە، دراماکە باس لە ڕووداوەکانی ژیانی دەرهێنەرێکی سینەمایی دەکات کە تووشی دۆسیەیێکی کوشتن دەبێتەوە.