تۆڕێکی گەورەی بازرگانیکردن بە ماددەی هۆشبەر ده‌ستگیر دەکرێت

ئاڤا نیوز

 

بەڕێوەبەرایەتیی گشتیی هەواڵگری و ئاسایش لە بەغدا، تۆڕێکی گەورەی بازرگانی و گواستنەوەی ماددە هۆشبەرەکان دەستبەسەر دەکەن کە نۆ هەزار ئەمپول و حەبی هۆشبەریان پێ بووە.

 

ڕاگەیێنراوی فەرمی: بەڕێوەبەرایەتیی گشتیی هەواڵگری و ئاسایش لە وەزارەتی بەرگریی عێراق ڕایگەیاند: دوای گەیشتنی زانیاریی هەواڵگریی ورد لە بەڕێوەبەرایەتی هەواڵگری و ئاسایشی بەغدا، توانرا تۆڕێکی گەورەی تایبەت بە بازرگانی و گواستنەوەی ماددە هۆشبەرەکان لە بەغدای پایتەخت دەستگیر بکرێت.

 

زانیاریی زیاتر: بازرگانەکان لەوکاتەی هەوڵی گواستنەوەی ماددە هۆشبەرەکانیان لە پارێزگای کوتەوە بۆ بەغدا دەدا، دەستگیران و دەستیش بەسەر هەزار ئەمپولی هۆشبەر لە جۆری ترامادۆل و هەشت هەزار حەبی هۆشبەردا گیرا.

 

ئەمەش بزانە: لە سەرەتای ئەمساڵەوە لە عێراق، دەستبەسەر زیاتر لە 12 تۆن ماددەی هۆشبەر و کارتێکەرە دەروونییەکاندا گیراوە.