داوای تەرخانكردنی پارە بۆ وانەبێژانی خوێندنی باڵا دەکرێت

ئاڤا نیوز

 وەزارەتی دارایی حکومەتی هەرێمی کوردستان نووسراوێكی ئاراستەی بەغدا کردووە، بۆ تەرخانكردنی شایستەی دارایی وانەبێژانی وەزارەتی خوێندنی باڵا.

لێدوانی فەرمی: عەباس ئەکرەم، گوتەبێژی وەزارەتی خوێندنی باڵا و توێژینەوەی زانستیی حكومەتی هەرێمی كوردستان بە ئاڤا نیوزی ڕاگەیاند: "دوای تەرخانكردنی ملیارێك و 189 ملیۆن دیناری مانگانە بۆ شایستەی دارایی وانەبێژانی سەر بە وەزارەتی خوێندنی باڵا و توێژینەوەی زانستیی هەرێمی كوردستان كراوە."

زانیاریی زیاتر: هەروەها لەگەڵ نووسراوەكەدا لیستی ناوی ئەو وانەبێژانە كە 23 لیستە بۆ مووچەی مانگەكانی دوو، سێ و چواری ساڵی 2024، بە تەواوی وردەكاریی نێردراوە.

بۆچی گرنگە:  ژماری وانەبێژانی خوێندنی باڵا لە هەرێمی كوردستان، هەزار و 982 وانەبێژە.