ئه‌مریكا پرسى نەوت و غازی ‌هه‌رێمى كوردستان یەکلایی دەکاتەوە

ئاڤا نیوز 

 

شاندێكى وه‌زاره‌تى دەرەوەی ئه‌مریكا ڕۆژی سێشەممە 14-05-2024 به‌ سه‌رۆكایه‌تیی جیۆفری پایات، یاریدەدەری وەزیری دەرەوەی ئەمریکا بۆ سیاسەتی وزەی جیهانی  سەردانی عێراق و دواتر هەرێمی کوردستان دەکەن.

 

زانیاریی تایبەت: شاندەکەی ئەمریکا لەگەڵ بەرپرسانی عێراق و هەرێمی کوردستان، په‌ره‌پێدانى غازى سروشتى، ڕاكێشانى بۆریى غازی چه‌مچه‌ماڵ بۆ دهۆک و هه‌نارده‌كردنى غازى سروشتى و فرۆشتنى بە به‌غدا، هەناردەکردنەوەی نەوت و زیانەکانی ڕاگرتنی نەوت، وزەی خاوێن تاوتوێ دەکات.

 

ئەوەی چاوەڕوان دەکرێت: چاوەڕوان دەکرێت دوای سەردانی شاندەکەی ئەمریکا ڕێککارەکانی دەستپێکردنەوەی هەناردەی نەوت خێرا بکرێت، هەروەها لە هەرێمی کوردستانەوە غاز بۆ عێراق دابین بکرێت. 

 

ئەوەی پێویستە بیزانیت: شاندەکە بۆ ماوەی سێ ڕۆژ لە عێراق و هەرێمی کوردستان دەمێننەوە.