تەمەنی عادل ئیمام دەبێتە 84 ساڵ و ڕوونکردنەوە لەبارەی تەندروستییەوە دەدرێت

ئاڤا نیوز 

 

تەمەنی عادل ئیمام، هونەرمەندی میسری نزیک دەبێتەوە لە 84 ساڵ و دڵنیایی لە بارەی تەندروستیی ئەو هونەرمەندەوە دەدرێت. 

 

ڕاگەیێنراوی فەرمی: سەندیکای هونەرمەندانی میسر، ڕوونکردنەوە سەبارەت بە باری تەندروستی عادل ئیمام دەدات و دەڵێت: ئێستا باری تەندروستیی عادل ئیمام زۆر باشە و سەندیکاکەمان بە بەردەوامی لەگەڵیدا لەسەر هێڵە. 

 

ئەوەی لە بارەیەوە دەگوترێت: بەر لە چەند ڕۆژێک، بەشێک لە میدیای میسر ئاماژەیان بەوەدا کە تەندروستیی عادل ئیمام خراپە، لەم بارەیەوە نەقیبی سەندیکای هونەرمەندانی میسر جەختی لە سەلامەتیی تەندروستیی ئەو هونەرمەندە کردەوە و ئاماژەی بەوەدا "هەر کەسێک دەیەوێت مێژووی میسر بزانێت، با سەیری فیلمەکانی عادل ئیمام بکات".

 

باکگراوەند: عادل ئیمام، لەدایکبووی شاری مەنسوورەی میسرە،  لە 17ی ئایاری ساڵی 1940 لە دایکبووە، دەرچووی کۆلیژی کشتوکاڵە، لە سینەمای میسریدا نازناوی "زەعیم"ـی پێدراوە.