گووگڵ ژیریی دەستکرد بۆ بەشی گەڕانی زیاد دەکات

ئاڤا نیوز

 

کۆمپانیای گووگڵ ڕایگەیاند، بۆ وەڵامدانەوەی ئەو پرسیارانەی کە لە بەشی گەڕاندا دەکرێن سوود لە ژیریی دەستکرد وەردەگرێت. ئەمە دەبێتە یەکێک لە گەورەترین ئەو گۆڕانکارییانەی کە لە ماوەی 25 ساڵی ڕابردوودا لە گووگڵ کرابێت.

 

لێدوانی فەرمی: سوندار پیچای، بەڕێوەبەری جێبەجێکاری گووگڵ ڕایگەیاند: "خۆشحاڵم بە ڕاگەیاندنی ئەوەی کە ئێمە لەم هەفتەیەدا دەست بە سوودوەرگرتنی تەواوەتی لە ئەزموونی چاککراوی 'پێداچوونەوەکانی ژیریی دەستکرد' بۆ هەمووان لە ئەمریکا دەکەین".

 

زانیاریی زیاتر: بڕیارە بەمزووانە ئەم تایبەتمەندییە بۆ زیاتر لە یەک ملیار بەکاربەر لە هەموو وڵاتانی دیکەی جیهان بەردەست بێت.

 

ئەوەی پێویستە بیزانیت: وەڵامی گەڕانەکان لەڕێگەی کۆمپانیای ژیریی دەستکردی جێمنی تەکنۆلۆژیا، کە سەر بە کۆمپانیای گووگڵە، ئامادە دەکرێن.