بڕیارەکانی دادگەی ئەنقەرە پەیوەست بە دۆسیەی کۆبانێ ڕاگەیێنرا

ئاڤا نیوز 

دادگەی باڵای تاوانەکانی 22ی ئەنقەرە، بڕیارەکانی لەسەر " دۆسیەی کۆبانێ" بۆ سەڵاحەددین دەمیرتاش، هاوسەرۆکی پیشووتری هەدەپە و 108 ئەندامی دیکە ڕاگەیاند.

ئەوەی پێویستە بیزانیت: دانیشتنی دادگە بەبێ ئامادەبوونی دەمیرتاش و ئەندامەکانی دیکەی هەدەپە بەڕێوەچوو،  18کەس لەوانە حوکمدراون ئازادن، و 18کەسی دیکەیان دەستبەسەرن، 72 کەس لەو تۆمەتبارانە دەستبەسەر نەکراون و هەڵاتوون.

زانیارییە بەدەستهاتووەکان: بڕیارەکانی دادگەی باڵای تاوانەکانی ئەنقەرە بەم شێوەیە بوو: 
-سەڵاحەددین دەمیرتاش، هاوسەرۆکی پێشووتری هەدەپە بە سزای  28 ساڵ و شەش مانگ زیندانیکردنی سزادرا. 

-ئەحمەد تورک- هاوسەرۆکی شارەوانی ماردین بە 10 ساڵ زیندانیکردن سزا درا.

-فیگەن یوکسەکداغ، هاوسەرۆکی پێشووتری هەدەپە بە 32 ساڵ و نۆ مانگ سزای زیندانیکردنی بۆ دەرچوو، لە کاتێکدا، پێشووتر بە 19 ساڵ زیندانی سزادرابوو.

زانیاریی زیاتر: جگە لە هاوسەرۆکانی هەدەپە، تاوەکو ئێستا سزا بۆ 23 ئەندامی دیکەی ئەو پارتە دەرکراوە.

باکگراوند: دوای هێرشی داعش بۆ سەر کۆبانێ، ئەندامانی هەدەپە و لایەنگرانی پەکەکە لە مانگی ئۆکتۆبەری 2014دا خۆپیشاندانییان لە شارەکانی باکووری کوردستان ڕێکخست.