ئیسپانیا دان بە دەوڵەتی فەڵەستیندا دەنێت

ئاڤا نیوز

ڕۆژی چوارشەممەی هەفتەی داهاتوو، ئیسپانیا بەفەڕمی وادەی دانپێدانان بە دەوڵەتی سەربەخۆی فەڵەستیندا ڕادەگەیێنێت.

لێدوانی فەرمی: پێدرۆ سانچێز، سەرۆکوەزیرانی ئیسپانیا ڕایگەیاند: ڕۆژی چوارشەممەی داهاتوو وادەی دانپێدانانی ئیسپانیا بە دەوڵەتی فەڵەستین ڕادەگەیێنێت، ڕەتیشیکردەوە ئەم دانپێدانانە لە 21ی ئایاردا ئەنجام بدرێت.

ئەوەی پێویستە بیزانیت:  لەمانگی ئازاری ئەمساڵدا سەرکردەکانی ئیسپانیا، ئیرلەندا، سلۆڤینیا و ماڵتا لە ڕاگەیێنراوێكی هاوبەشدا، ئامادەیی خۆیان نیشاندا دان بە دەوڵەتی فەڵەستیندا بنێن.

باكگراوند: لەكۆی 193 وڵاتی ئەندامی نەتەوەیەكگرتووەكان 137 وڵات دانیان بە سەربەخۆی دەوڵەتی فەڵەستیندا ناوە.