‎یەکەم لێدوانی دەمیرتاش دوای بریاری دادگە:"چۆک دا نادەین"

ئاڤا نیوز

‎سەڵاحەددین دەمیرتاش، هاوسەرۆکی پێشووی هەدەپە، دوای ئەوەی بە بریاری  دادگە، سزای 42 ساڵ زیندانی بەسەردا سەپێنرا، دەڵێت "چۆک دا نادەین".

لێدوانی فەرمی: سەڵاحەدین دەمیرتاش بۆ کەناڵی تی 24 گوتی: "لە کاتێکدا ئێمە بە هەموو هێزمان بۆ گەل بەرەنگار دەبینەوە، ئیرادەی خۆمان لە گەلەکەمان وەردەگرین.

زانیاریی زیاتر: دەمیرتاش داوای کرد "کەس بۆ ئەو نیگەران نەبێت، لەبەر ئەوەی نە مل کەچ دەبن و نە چۆک دادەدەن".

ئەوەی پێویستە: دەمیرتاش لەبەردەم دادگە ئامادە نەبوو لە تەلەفزیۆن سەیری بڕیارەکەی کردووە، گوتبووی "دەرفەتتان پێ نادەم بڕیارەکە لەبەردەم خۆم بخوێننەوە". 

وێنە گەورەکە: دادگەی باڵای ژمارە 22 ی تاوانەکانی ئەنقەرە، بە تۆمەتی یارمەتیدان بۆ تێکدانی یەکگرتوویی و یەکپارچەیی دەوڵەت چوار ساڵ و شەش مانگ، بە تاوانی هاندان بۆ ئەنجامدانی تاوان  دوو ساڵ و شەش مانگ، لەسەر وتارەکەی نەورۆزی یەک ساڵ و شەش مانگ، مانگێک بۆ هاندانی خەڵک بۆ سەرپێچیکردن لە یاسا، بە گشتی 42 ساڵ سزای زیندانی بەسەر دەمیرتاش دا سەپاندووە.