لە کابینەی نۆیەمدا داهاتی سندووقی دەستەبەریی کۆمەڵایەتی بۆ یەک تریلیۆن زیادی کردووە

ئاڤا نیوز 

لە کابینەی نۆیەمی حکومەتی هەرێمی کوردستاندا، داهاتی سندووقی دەستەبەری کۆمەڵایەتی لە دوو ملیار دینار بۆ تریلیۆنێک بەرزبووەتەوە. 

لێدوانی فەرمی: مەریوان بەگۆک، بەڕێوەبەری گشتی کار و دەستەبەری کۆمەڵایەتی لە وەزارەتی کار و کاروباری کۆمەڵایەتی بە ئاڤا نیوزی گوت: لە ساڵی ڕابردوو پێنج هەزار و 617 هەزار کرێکاری خۆماڵی و هەزار و 703 کرێکاری بیانی لە سندووقی دەستەبەری کۆمەڵایەتی کە حکومەتی هەرێمی کوردستان دابینی دەکات سوودمەند بوونە.

زانیاریی زیاتر: لە ساڵی 2019ەوە تا ساڵی ڕابردوو 22 هەزار 512 پرۆژە و 111 هەزار و 158 کرێکار دەستەبەریان بۆ کراوە، لە کۆتایی ساڵی 2023 باڵانسی سندووقی دەستەبەری کۆمەڵایەتی زیاتر لە تریلیۆنێک دینار بووە.

ئەوەی پێویستە بیزانیت: دەستەبەری کۆمەڵایەتی یەکێکە لەو خزمەتانەی حکومەتی هەرێمی کوردستان پێشکەش بە کارمەند و کرێکارانی کەرتی تایبەتی دەکات.

بۆچی گرنگە: ئەو کرێکارانە دوای 30 ساڵ خزمەتکردن وەکو کارمەندەکانی کەرتی گشتیی خانەنشین دەکرێن.