ماوەی كۆميسیۆن درێژ كرایەوە

ئاڤا نیوز

پەرلەمانی عێراق دەنگی لەسەر هەمواری دووەمی یاسای کۆمیسیۆنی هەڵبژاردنی عێراق دا، بەوەش ماوەی کارکردنی کۆمیسیۆن درێژ کرایەوە.

وێنە گەورەکە: درێژکردنەوەی ماوەی کۆمیسیۆنی هەڵبژاردنەکانی عێراق بۆ سەرپەرشتیکردنی هەڵبژاردنی خولی شەشەمی پەرلەمانی کوردستانە، چونکە ماوەی یاسایی کارکردنی کۆمیسیۆن لە 07-07-2024 تەواو دەبێت.

لێدوانی فەرمی: د.عیماد جەمیل، سەرۆكی تیمی ڕاگەیاندنی كۆمیسیۆنی هەڵبژاردنی عێراق بە ئاڤا نیوزی ڕاگەیاند: "بەگوێرەی هەمواری دووەمی یاساکە کە لە پەرلەمان دەنگی لەسەر دراوە، ماوەی كاركردنی كۆمیسیۆنی باڵای سەربەخۆی هەڵبژاردنەكانی عێراق بۆ 6-1-2025 درێژ كرایەوە".

زانیاریی بەدەستهاتوو: بەم نزیکانە سەرۆکایەتیی هەرێمی کوردستان لەگەڵ سەرۆکی ئەنجوومەنی کۆمیسیاران کۆ دەبێتەوە، وادەیەکی نوێ بۆ بەڕێوەچوونی هەڵبژاردنی خولی شەشەمی پەرلەمانی کوردستان دیاری دەکەن.