دادگەی نێودەوڵەتی فەرمان بە ئیسرائیل دەكات هێرش نەكاتە سەر ڕەفەح

ئاڤا نیوز

دادگەی دادی نێودەوڵەتی فەرمان بە ئیسرائیل دەكات هێرش بۆ سەر ڕەفەح  ڕابگرێت، هاوكات ڕێگە بەلێكۆڵینەوەی تەواوەتی لەسەر كەرتی غەززە بدات.

وێنە گەورەكە: جارێكی دیكە دادگەی دادی نێودەوڵەتی لەسەر دۆسیەی شەڕی نێوان ئیسرائیل و حەماس كۆبووەوە و فەرمان بە ئیسرائیل دەكات بە زووترین كات هێرشەكانی سەر ڕەفەح ڕابگرێت و ڕاپۆرتێكیش لەسەر دۆخەكە پێشكە بە دادگە بكات.

ڕاگەیێنراوی فەرمی: دادگەی نێودەوڵەتی ڕایگەیاند:" دەبێت ئیسرائیل ڕاپۆرتێك لەسەر دۆخەكە پێشكەش بكات و ڕێگری لە لێكۆڵینەوەكان نەكات و بەزووترین كات هێرشەكانی بۆسەر ڕەفەح ڕابگرێت.

ئەوەی پێویستە بیزانیت: دادگەی دادی نێودەوڵەتی لەسەر داوای ئەفریقای باشوور كۆبووەوە و ئەمە دووەم جارە كۆبوونەوە لەسەر دۆخەكە دەكات بەبێ ئەوەی  هیچ بڕیارێكی یەكلاكەرەوە بدات.