سەرۆک شارەوانییەک بە تۆمەتی هاوكاریكردنی تیرۆر دەستبەسەر دەکرێت

ئاڤا نیوز 

فورات دەمیر، هاوسەرۆکی شارەوانیی ناحیەی لیجەی دیاربەکر لە باكووری كوردستان، بە تۆمەتی "هاوکاریکردنی تیرۆر" دەستبەسەر کرا.

وێنە گەورەکە: بەرەبەیانی ئەمڕۆ شەممە، هێزەکانی جەندرمەی تورکیا بە تۆمەتی داڵدەدان و هاوکاریکردنی تیرۆر، هەڵیانکوتایە سەر ماڵەکانی ناحیەی لیجەی دیاربەکر و تەواوی گەڕەکیان گەمارۆ دا و ژمارەیەک هاووڵاتییان دەستگیر کرد.

زانیارییە بەدەستهاتووەکان: بە پێی هەواڵێکی تی 24، ئەم بەیانییە فورات دەمیر و پێنج ئەندامی دیکەی دەم پارتی، بە تۆمەتی "هاوکاریکردنی تیرۆر" دەستبەسەر کران و  تاوەکو ئێستا دەم پارتی هیچ ڕوونکردنەوەیەکی لەمبارەوە نەداوە.