سوودانی داوایەکی بەپەلە لەبارەی مووچەی فه‌رمانبه‌رانی هه‌رێمی كوردستان دەکات

ئاڤا نیوز

 

سه‌رۆكوه‌زیرانی عێراق له‌ كۆبونه‌وه‌یه‌كی تایبه‌تی بەمەبەستی به‌دواداچوون بۆ پرۆسه‌ی ته‌وتینی مووچه‌ی فه‌رمانبه‌رانی هه‌رێمی كوردستان کرد.

 

بۆچی گرنگە: سوودانی ڕایگەیاندووە، گرنگه‌ په‌له‌ بكرێت له‌ ته‌واوكردنی تۆمارکردنی داتای فه‌رمانبه‌رانی هه‌رێمی كوردستان و خۆبه‌دوورگرتن له‌ دواخستنی مووچه‌كانیان.

 

لێدوانی فەرمی: محه‌ممه‌د شیاع سوودانی، سه‌رۆكوه‌زیرانی عێراق  له‌ كۆبونه‌وه‌یه‌كی تایبه‌ت  ڕایگەیاند:  "پەله‌ له‌ تۆماركردنی داتای فه‌رمانبه‌رانی هه‌رێمی كوردستان بكرێت و مووچه‌كانیان دوانه‌خرێت، جه‌خت له‌سه‌ر جێبه‌جێكردنی بڕیاری 21-2-2024ـی دادگەی فیدراڵی ده‌كه‌ینه‌وه‌".

 

زانیاریی زیاتر: محه‌ممه‌د شیاع سوودانی ئاماژەی بەوەش کردووە، حكومه‌تی عێراق و حكومه‌تی هه‌رێمی کوردستان پابه‌ندن به‌ ته‌وتینكردنی مووچه‌ی فه‌رمانبه‌رانی كه‌رتی گشتی، ئه‌وانه‌ی كه‌ له‌ ناو هه‌رێمی كوردستاندا كار ده‌كه‌ن. 

 

ئەوەی پێویستە بیزانیت: سه‌رۆكوه‌زیرانی عێراق له‌گه‌ڵ بانكی ناوه‌ندیی عێراق و بانكه‌ حكومییه‌كاندا، به‌دواداچوونی له‌باره‌ی جێبه‌جێكردنی ڕێوشوێنه‌كانی ته‌وتینی مووچه‌ی فه‌رمانبه‌رانی هه‌رێمی کوردستان كردووە.