بەریتانیا دوو هاونیشتمانیی کورد دیپۆرتی هەولێر دەکاتەوە

ئاڤا نیوز

 

حکومەتی بەریتانیا بە زۆرەملێ دوو هاونیشتمانیی هەرێمی کوردستان دیپۆرتی هەولێر دەکاتەوە.

 

زانیاریی بەدەستهاتوو: حکومەتی بەریتانیا دوو هاونیشتمانیی کوردی هەرێمی کوردستانی بە زۆرەملێ دیپۆرت دەکاتەوە، دوو بلیتی فڕۆکەیان بۆ بڕاوە و دوو پاسەوانیش لەگەڵیان دانراون، تاوەکو ڕەوانەی هەرێمی کوردستان دەکرێنەوە.

 

زانیاریی زیاتر: ڕێکارەکانی ناردنەوەی ئەو دوو هاونیشتمانییە تەواوکراون و بڕیارە کاتژمێر 2:50 خولەکی بەرەبەیانیی سبەی سێشەممە، بگەنەوە فڕۆکەخانەی نێودەوڵەتیی هەولێر.

 

لەلایەکی دیکەوە: لەسەر ئەو پرسە، فیدراسیۆنی پەنابەرانی عێراق، خۆپێشاندانێکی فراوانیان لە بەردەم پەرلەمان و ئۆفیسی سەرۆکوەزیرانی بەریتانیا ئەنجام دا.

 

ئەوەی پێویستە بیزانیت: ڕۆژی 25ـی ئەم مانگە دەشتی جەمال، سکرتێری فیدراسیۆنی پەنابەرانی عێراق بە ئاڤا نیوزی ڕاگەیاند، ژمارەیەک پەنابەری کورد بە زۆرەملێ بلیتی فڕۆکەیان پێدراوە و لە چەند ڕۆژی ئاییندە دیپۆرتی هەرێمی کوردستان دەکرێنەوە.