کێشەی ڕێگەی بارهەڵگرەکان چارەسەر دەکرێت

ئاڤا نیوز

 

کارکردن لە پڕۆژەی دروستکردن و نۆژەنکردنەوەی ڕێگەی نێوان پارێزگاکان بەردەوامە، لە کۆی شەش ڕێگەی نێوان هەولێر و سلێمانی، کارکردن لە پێنجیان بەردەوامە.

 

وێنە گەورەکە: ڕێگەکانی نێوان هەولێر و سلێمانی هۆکارێکی گرنگن بۆ بەردەوامی جموجۆڵی بازرگانی لە نێوان پارێزگاکانی هەرێمی کوردستان، ڕۆژانە سەدان بارهەڵگر هاتوچۆی لەسەر دەکەن، حکومەت کار لەسەر دروستکردن و نۆژەنکردنەوەیان دەکات.

 

لێدوانی فەرمی: مەریوان مەلا حەسەن، گوتەبێژی وەزارەتی ئاوەدانکردنەوە و نیشتەجێکردنی هەرێمی کوردستان بە ئاڤا نیوزی گوت، "وەستانی لەناکاوی کارکردن لەسەر پڕۆژەکان بۆ قەیرانی دارایی دەگەڕێتەوە، بەشێکی ئەو پڕۆژانە لە ساڵانی 2011 و 2012 کارکردن تێیاندا دەست پێکراوە و دواتر کارکردن لێیان وەستاوە."

 

ئەوەی پێویستە بیزانیت: هەفتەی داهاتوو قۆناغی دووەمی کارکردن لە ڕێگەی سکتان-هیران دەستپێدەکات، هەروەها کارکردن لە ڕێگەی سماقوڵی و ڕێگەی بالیسان بەردەوامە.