"مقاوەمەی ئیسلامی لە عێراق" بە درۆن ئیسرائیل دەكاتە ئامانج

ئاڤا نیوز

"مقاوەمەی ئیسلامی لە عێراق" ئەمڕۆ یەكشەممە ڕایگەیاند بە درۆن چەند ئامانجێكی لە شاری ئیلاتی ئیسرائیل كردووەتە ئامانج.

ڕاگەیێنراوی فەرمی: "مقاوەمەی ئیسلامی لە عێراق" لە ڕاگەیێنراوێكدا ڕایگەیاند:وەك وەڵامدانەوەیەك بۆ "كۆمەڵكوژی" یەكانی ئیسرائیل لە غەززە بە درۆن چەند ئامانجێكی زیندوومان لە ئیلاتی ئیسرائیل كردە ئامانج".

ئەوەی پێویستە بیزانیت: هەشت ڕۆژ لەمەوبەر "مقاوەمەی ئیسلامی" بە هەمانشێوە بە ئامانجگرتنی شاری ئیلاتی لە ئیسرائیل لە ڕێگەی درۆنەوە ڕاگەیاند.

وێنە گەورەكە: لە ڕابردوودا "مقاوەمەی ئیسلامی لە عێراق"  بەرپرسیارێتی خۆی لە دەیان هێرش لە عێراق و سووریا ڕاگەیاندووە بۆسەر هێزەكانی ئەمریكا و هاوپەیمانەكانی، لەدوای دەستپێكردنی شەڕی نێوان ئیسرائیل و حەماس لە حەوتی ئۆكتۆبەری ساڵی ڕابردووەوە ئەو گروپە ناوبەناو بە درۆن و مووشەك ئیسرائیل بە ئامانج دەگرێت.