دادگەی "تەمیز" و "فیدراڵی" ڕێککەوتن

ئاڤا نیوز  

دادگەی پێداچوونەوە و دادگەی باڵای فیدراڵیی عێراق ڕێک کەوتن لەسەر پابەندبوون بەوه‌ی له دەستوور و یاسا کارپێکراوەکاندا هاتووە و دەسەڵاتی یاسایی هەردوو دادگەکەی دیاری کردووە.

وێنە گەورەکە: ڕۆژی دووشەممە، 03-06-2024، دادوەر فایەق زەیدان، سەرۆکی ئەنجوومەنی باڵای دادوەری، کۆبوونەوەیەکی هاوبەشی له‌گه‌ڵ ئەندامانی دادگەی ته‌میز و دادگەی فیدراڵی کرد. لە کۆبوونەوەکەدا جێگرانی سەرۆکی دادگەی ته‌میز و سەرۆک و ئه‌ندامانی دادگەی فیدراڵی و بەرپرسی چاودێریی دادوەری ئامادە بوون.

ڕاگەیێنراوی فەرمی: ئەنجوومەنی باڵای دادوه‌ری ڕایگەیاند: لە میانی کۆبوونەوەکەدا باس لە دەسەڵاتی یاسایی هەردوو دادگەكه‌ کرا و ڕێککەوتن كرا لەسەر پابەندبوون بەوه‌ی له دەستوور و یاسا کارپێکراوەکاندا هاتووە و دەسەڵاتی یاسایی هەردوو دادگەکەی دیاری کردووە.

 

ئەوەی پێویستە بیزانیت: لە چەند ڕۆژی ڕابردوو دەستەی گشتیی دادگەی پێداچوونەوە "تەمیز" ڕەخنەی لە بڕیارەکانی دادگەی باڵای فیدراڵیی گرت پەیوەست بە دۆسیەیەک و ڕایگەیاندبوو "دادگەی فیدراڵیی بۆی نییە خۆی بخاتە شوێنی پەرلەمان و دەقێکی نوێ دابنێت یان زیاد بکات لە جیاتی ئەو دەقەی هەڵیوەشاندووەتەوە".