هەردوو کۆریا شەڕی کاغەز و خاشاک دەستپێدەکەن

ئاڤا نیوز 

سوپای کۆریای باکوور 330 باڵۆن لە پاشماوە بۆ کۆریای باشوور دەنێرێت، دوای ئەوەی چالاکوانانی باشوور کاغەزی "پڕوپاگەندە"یان بۆ کۆریای باکوور نارد.

وێنە گەورەکە: بەهۆی ناردنی کاغەزی "پڕوپاگەندە" لەلایەن کۆریای باشوورەوە بۆ کۆریای باکوور، گرژییەکانی نێوان دوو کۆریا زیاتربوون.

ڕاگەیێنراوی فەرمی: سوپای کۆریای باشوور ڕایگەیاند:تاوەکو ئەمڕۆ 80 باڵۆنمان لە ناوچەکەدا پووچەڵ کردووەتەوە، ئێستا هیچ تەنێک لە هەوادا دەستنیشان نەکراوە.

کاریگەری و لێکەوتەکانی: سەرۆکایەتی کۆمار ڕایگەیاندووە "کۆریای باکوور بەرپرسیارێتی تەواوەتی لە ئەستۆیە لە پەرەسەندنی گرژییەکانی نێوان هەردوو کۆریا".

ئەوەی پێویستە بیزانیت: کۆریای باکوور و باشووری دوو سیستەمی سیاسی تەواو جیاوازن، پێش ساڵی 1950 یەک وڵات بوون، بەڵام بەهۆی شەڕی ناوخۆی نێوان باکوور و باشوور لەنێوان ساڵانی 1950 تا 1953 بوونە دووبەش.

 

ئەمەش بزانە: لەکاتی شەڕدا بەشی باکوور لەژێر دەسەڵاتی یەکێتی سۆڤیەتی ئەوکات بوو، بەشی باشووریش لەژێر دەسەڵاتی ئەمریکا و نەتەوەیەکگرتووەکان.