ژمارەیەكی زۆر زیندانی لە عێراق چاوەڕێی یاسای لێبوردنی گشتی دەکەن

ئاڤا نیوز 

 

بەشێکی زۆری زیندانییان لە عێراق بێ دادگەیی کردن لە زیندان ماونەتەوە، چاوەڕێی دەرچوونی یاسای لێبوردنی گشتیی دەکەن بۆ ئەوەی ئازاد بکرێن بکرێن.

 

وێنە گەورەکە: هەموو حکومەتێکی نوێ لە عێراق، یاسای لێبوردنی گشتی دەردەکات، بەڵام لە کابینەکەی سوودانی تائێستا ئەو یاسایە تێنەپەڕێنراوە، یاساکە ئەو کەسانە ناگرێتەوە کە بە تۆمەتی بازرگانی بە ماددەکانی هۆشبەر، تیرۆر و کوشتنی بە مەبەست زیندانیکراون.

 

لێدوانی فەرمی: "یاسای لێبوردنی گشتی یەکێک بووە لە کارنامەکانی کابینەی سوودانی، بەڵام تائێستا یاساکە پەسەند نەکراوە." دارا سێکانیانی، ئەندامی لیژنەی یاسایی پەرلەمانی عێراق وای بە ئاڤا نیوز گوت.

 

زانیاریی زیاتر: دارا سێکانیانی ئەوەشی گوت، " بەشێکی زۆر لە زیندانیانی عێراق بێ ئەوەی دادگایی بکرێن یان تاوانێکیان بەسەر ساغ کرابێتەوە لە زیندان ماونەتەوە".

 

ئەوەی پێویستە بیزانیت: حکومەتی عێراق 30 گرتووخانەی هەیە کە 60 هەزار زیندانییان تێدایە، ئەمەش بە ڕێژەی 300% زیاترە لە توانای حکومەت بۆ لەخۆگرتنی ئەو زیندانیانە.