یەکەم فێستیڤاڵی هۆنراوەی ژنان لە هەڵەبجە ڕێکخرا

ئاڤا نیوز

یەكەم فێستیڤاڵی هۆنراوەی ژنان لە هەڵەبجە بە بەشداریی ژمارەیەک ژنی نووسەر ڕێکخرا.

 

وێنە گەورەکە: بە ئامادەبوونی حەمەی حەمەسەعید، وەزیری ڕۆشنبیری و لاوان، ئازاد تۆفیق، پارێزگاری هەڵەبجە و ژمارەیەک لە بەرپرسانی ئیدارەی پارێزگاكە، یەكەم فێستیڤاڵی هۆنراوەی ژنان لە پارێزگای هەڵەبجە بەڕێوەچوو.

 

ئەوەی پێویستە بیزانیت: فێستیڤاڵەكە بە دروشمی "ژنان ئەستێرەن، لە ساماڵدا جوانتر دەبریسكێنەوە" لەلایەن بەڕێوەبەرایەتیی گشتیی ڕۆشنبیری و هونەریی هەڵەبجە ڕۆژی پێنجشەممە (13ـی حوزەیرانی 2024) لە هۆڵی د. مستەفا زەڵمی ڕێکخرا و ژمارەیەک لە ئەدیب و ڕۆشنبیر و هونەرمەندانی پارێزگاكە ئامادە بوون.

 

ئەمەش بزانە: لە فێستیڤاڵەكەدا ژمارەیەک لە ژنانی نووسەر بەشدارییان كردبوو و تێیدا چەندین بەرهەمی هۆنراوەیان پێشكەش كرد، هەر لە فێستیڤاڵەکەدا بڕیاردرا ساڵانە لە کاتێکی دیاریکراودا فێستیڤاڵی هۆنراوەی ژنان ڕێکبخرێت.