بە گوێرەی ڕاپرسییەک لە هەڵبژاردنەکانی فەڕەنسا ڕاستڕەوەکان لە پێشەوەن

ئاڤا نیوز

 

بە گوێرەی نوێترین ڕاپرسی لە لەلایەن دامەزراوەی ئێلاب (Elabe) ئەنجام دراوە، سەرەڕای ئەوەی پارتە چەپڕەوەکان هاوپەیمانێتییەکی فراوانیان پێکهێناوە، بەڵام هێشتا لە دوای پارتە ڕاستڕەوە تووندڕەوەکانەوەن.

وێنە گەورەکە: پارتی گردبوونەوەی نیشتیمانی کە پارتێکی ڕاستڕەوی تووندڕەوە بە 32٪ـی دەنگەکان لە پێشەوەی هەموو پارتەکانی دیکەیە و بەرەی نیشتیمانیی چەپڕەوەکانیش تەنیا دەنگی 26٪ـی دەنگدەرانیان دەبێت. هاوکات بەرەی ڕاستڕەوی میانڕەو کە ئیمانوێل ماکرۆنی سەرۆکی وڵات ڕێبەرایەیی دەکات تەنیا پشتیوانیی 17٪ـی دەنگدەرانی هەیە و لە پلەی سێیەمدایە. 

زانیاریی زیاتر: سەبارەت بە سەرکەوتنی ڕاستڕەوەکان، 50٪ـی بەشداربووان نیگەران، 30٪ خۆشحاڵ و 20٪ـیش بێباکی خۆیان نیشان داوە.

ئەوەی پێویستە بیزانیت: بڕیارەی خولی یەکەمی هەڵبژاردنی پێشوەختەی فەڕەنسا ڕۆژی 30ـی حوزەیران بەڕێوە بچێت.