هونەرمەندێکی کورد "بە هۆنراوە" ڕووبەڕووی شێرپەنجە دەبێتەوە

ئاڤا دیجیتاڵ

 

هونەرمەند محەممەد عەباس، دوای تووشبوونی بە نەخۆشیی شێرپەنجە و چاکبوونەوەی لە نەخۆشییەکە، ئێستا گەڕاوەتەوە هەرێمی کوردستان و ڕێزلێنانی پێشکەش دەکرێت.

 

لێدوانی فەرمی: هونەرمەند محەمەد عەباس بە ئاڤا نیوزی ڕاگەیاند: "ئەگەر هونەر نەبووایە نەمدەتوانی ڕووبەڕووی شێرپەنجە ببمەوە، لە نەخۆشخانە هۆنراوەم دەنووسی و هەر ئەوەش بووە هۆی ئەوەی شێرپەنجە تێپەڕێنم. ناوەستم و دووبارە دەست بە کاری هونەری دەکەمەوە".

 

پاشخان: هونەرمەند محەممەد عەباس، لە ساڵی 1952 لە كەركووك لەدایكبووە، نیشتەجێی وڵاتی بەریتانیایە و 30 گۆرانی تۆمارکراوی هەیە.