قاچاخچییەکی کورد باسی نهێنی و مەرگەساتەکانی ڕێگاکانی کۆچکردن بۆ ئەوروپا دەکات

ئاڤا نیوز

قاچاخچییەکی کورد لەبارەی ڕێگاکانی کۆچ  بۆ ئەوروپا لە چاوپێکەوتنێکی ڤیدیۆییدا بە ڕاشکاوی قسە بۆ ئاڤا میدیا دەکات و مەترسییەکان بەوردی ئاشكرا دەکات. ئەو چیرۆکی چوونی منداڵەکانی خۆی بە قاچاخ بۆ ئەوروپا دەگێڕێتەوە، باسی مەرگەساتەکانی خۆیشی لەو ڕێگایە دەکات.

 

لێدوانی فەرمی: قاچاخچییەکە کە نەیویست ناوی بهێنرێت و ئەزموونی 20 ساڵی هەیە، بۆ یەکەمجار نهێنیییەکانی ڕێگای کۆچکردن باس دەکات، ئەو دەڵێت هەر کەسێک ڕێگای ئیتاڵیا ببینێت تاوەکو ساڵێک نایەتەوە سەر خۆی، بەڵام دەڵاڵەکان ڕێگاکەیان لەبەرچاو ئاسان دەکەن و فریویان دەدەن، چونکە سوودی خۆیانی تێدایە.

 

زانیاری زیاتر: وەک قاچاخچییەکە باسی دەکات، بڕی 10 هەزار تا 12 هەزار دۆلار لە هەر کۆچبەرێک وەردەگیرێت، لەو بڕەش حەوت هەزار دۆلاری بۆ قاچاخچییە و نزیکە دوو تا سێ هەزار دۆلاری بۆ دەڵاڵەکەیە.

بابەتی ستراتیژی: ئەو داوا لە هاونیشتمانیان دەکات ڕێگای کۆچکردن و چوونە ئەوروپا هەڵنەبژێرن و ئەوروپا ئەوە نییە، زۆر مەترسیدارترە لەوەی بیری لێدەکەنەوە، زۆر شت بەتایبەت بۆ ژن و منداڵ ڕوودەدەن هی ئەوە نییە لەبەر کامێرا باس بکرێن، کاتێک هەر دەشچن بە ڤیزا و فڕۆکە بچن.