120 هەزار فەرمانبەر بۆ سەرژمێری دانیشتووان ڕاهێنانیان پێدەكرێت

ئاڤا نیوز 

وەزارەتی پلاندانانی عێراق بۆ ئەنجامدانی سەرژمێریی گشتیی دانیشتووان، لە چەند ڕۆژی داهاتوودا دەست دەکات بە ڕاهێنانی 120 هەزار فەرمانبەر.

وێنە گەورەکە: دوای ئەوەی لەم مانگەدا هەردوو قۆناغی سەرژمێری ئەزموونی بە سەرکەوتوویی بەڕێوەچوو، وەزارەتی پلانادنانی عێراق ئامادەکاریی بۆ ئەنجامدانی سەرژمێری فەرمی دەکات.

لێدوانی فەرمی: عەبدولزەهرە هینداوی، گوتەبێژی وەزارەتی پلاندانانی عێراق بە ئاڤا نیوزی گوت: لە چەند ڕۆژی داهاتوودا لە چەند قۆناغێکدا ڕاهێنان بە زیاتر لە 120 هەزار مامۆستا و وانەبێژ لە کەرتی پەروەردە دەکرێت بۆ ئەنجامدانی سەرژمێری گشتیی دانیشتووان.

زانیاریی زیاتر: ڕاهێنانەکان بریتیین لە چۆنیەتی بەکارهێنانی تابلێت، میکانیزمی پڕکردنەوەی فۆڕمی سەرژمێری دانیشتووان، چۆنیەتی مامەڵەکردن لەگەڵ خێزانەکان، چۆنیەتی پرسیارکردن، وردەکارییە تەکنیکی و کارگێڕییەکانی دیکە. عەبدولزەهرە هنداوی ئەوەشی گوت.

ئەوەی پێویستە بیزانیت: بڕیارە لە 20ی مانگی تشرینی دووەمی ئەمساڵ، سەرژمێریی گشتی لە هەموو پارێزگاکانی عێراق و هەرێمی کوردستان بەڕێوە بچێت.