سێ ئەندامی گرووپە چەکدارەکانی سەر بە ئێران لە سووریا کوژران

ئاڤا نیوز 

ژمارەی کوژراوانی هێرشەکەی شەوی ڕابردوو بۆ سەر بارەگایەکی گرووپە چەکدارەکان لە ناوچەی ئەلبوکەمال لە سووریا، بۆ سێ کەس بەرزبووەوە.

 

وێنە گەورەکە: ڕۆژی هەینی لە شارۆچکەی عەشائیر لە ناوچەی ئەلبوکەمال لە دێرەزووری سووریا نزیک سنووری عێراق، بۆردوومانی بارەگایەکی گرووپە چەکدارەکانی سەر بە ئێران كرا و کوژراوی لێکەوتەوە.

ڕاگەیێنراوی فەرمی: ڕوانگەی سووریا بۆ مافەکانی مرۆڤ ڕایگەیاند: ژمارەی کوژراوانی چەکدارەکانی سەر بە ئێران گەیشتە سێ کوژراو و دوو لە کوژراوەكانیش ئەندامی "مقاوەمەی ئیسلامی عێراقیین".

ئەوەی پێویستە بیزانیت: گرووپە چەکدارەکانی سەر بە ئێران، لە ناوچەی ئەلبوکەمال و مەیادین لە نێوان سنووری عێراق و سووریا جێگیربوون.