لە جەژنی قورباندا 348 هەزار و 331 گەشتیار سەردانی هەرێمی کوردستانیان کردووە

ئاڤا نیوز

گوتەبێژی دەستەی گەشتوگوزاری هەرێمی کوردستان ڕایگەیاند، لە ڕۆژانی جەژنی قورباندا 348هەزار و 331 گەشتیار سەردانی هەرێمی کوردستانیان کردووە.

وێنە گەورەکە: ساڵانە لە وەرزی گەرما و جەژن و بۆنەکاندا، گەشتیاران لە شارەکانی ناوەڕاست و خوارووی عێراق ڕوو لە شوێنە گەشتیارییەکانی هەرێمی کوردستان دەکەن، لە چوارچێوەی گرنگیپێدانی حکومەتی هەرێمی کوردستان تادێت ڕێژەی گەشتیاران زیاتر دەبێت.

لێدوانی فەرمی: ئیبراهیم عەبدولمەجید، گوتەبێژی دەستەی گەشتوگوزاری هەرێمی کوردستان بە ئاڤا نیوزی ڕاگەیاند: "ڕێژەی هاتنی گەشتیاران بۆ هەرێمی کوردستان زۆر بەرز بووەوە. تەنیا لە چەند ڕۆژی جەژندا، 348هەزار و 331 گەشتیار سەردنی هەرێمی کوردستانیان کردووە".

ژمارەکان وادەڵێن: بە گوێرەی ئامارەکانی گەشتوگوزار، ژمارەی گەشتیاران لە پارێزگاکان بەم شێوەیەیە؛
هەولێر: 117هەزار و 421 گەشتیار
سلێمانی: 125هەزار گەشتیار 
دهۆک: 60هەزار گەشتیار
‌هەڵەبجە: 84هەزار و 176 گەشتیار