بەشێک لە کۆمپانیاکانی گواستنەوەی حاجییان سزا دەدرێن

ئاڤا نیوز

وەزارەتی ئەوقاف ڕێکاری یاسایی بەرامبەر بەو کۆمپانیایانە دەگیرێتەبەر کە حاجییانیان بە ڤیزەی ساڵ و گەشتیاری بردووەتە حەج.

وێنە گەورەکە: ئەمساڵ زیاتر لە 15 هەزار کەس لە هەرێمی کوردستان بە ڤیزەی گەشتیاری و ساڵ بۆ حەج چوونە سعودیە، نزیکەی 30 کەسیش لەوان گیانیان لەدەست دا.

لێدوانی فەرمی: کاروان ستوونی، گوتەبێژی بەڕێوەبەرایەتیی حەج و عومرە بە ئاڤا نیوزی گوت: "پێشتر هۆشداریمان بە کۆمپانیاکانی گواستنەوەی حاجییان دابوو ئەو کارە نەکەن، ئێستاش لێپێچینەوەیان لەگەڵدا دەکەین".

زانیاریی زیاتر: لێپێچینەوە لە سەرجەم کۆمپانیاکان دەکرێت، سووکترین سزاشیان قەدەغەکردنی کارکردنیانە لە هەرێمی کوردستان و سەرتاسەری عێراق.