هەڵبژاردنی ئێران دەکەوێتە خولی دووەم

ئاڤا نیوز

دوای جیاکردنەوەی نزیکەی 78٪ـی دەنگەکان، هیچ کام لە بەربژێرەکان نەیانتوانیوە لە نیوەی دەنگەکان نزیک بکەونەوە، بەم پێیە هەڵبژاردنەکە دەکەوێتە خولی دووەم.

ئەوەی پێویستە بیزانیت: بۆ بردنەوەی هەڵبژاردن پێویستە یەکێک لە کاندیدەکان لە سەدا 50+1ـی دەنگە دراوەکان بەدەست بهێنێت، واتە زیاتر لە 12 ملیۆن دەنگ.

ئەنجامی بەرایی: لە دوای جیاکردنەوەی 19 ملیۆن دەنگ لە کۆی 24 ملیۆن دەنگ، مەسعود پزیشکیان بە 8.3 ملیۆن دەنگ لەپێشەوەیە و بەدوای ئەویشدا سەعید جەلیلی دێت کە 7.1 ملیۆن دەنگی بەدەستهێناوە.

زانیاریی زیاتر: محەممەد باقر قالیباف 2.7 ملیۆن دەنگ و مستەفا پور محەممەدی نزیکەی 160 هەزار دەنگی بەدەستهێناوە.

ئەوەی چاوەڕێ دەکرێت: ئەگەر هەڵبژاردنی سەرۆککۆماری ئێران بکەوێتە خولی دووەم ئەوا ڕۆژی  5-7-2024 ئەمساڵ هەڵبژاردن لە نێوان پزیشکیان و جەلیلی دووبارە دەکرێتەوە.