وەزیرێک بەتۆمەتی "جادووی ڕەش" لە سەرۆکی ماڵدیڤ دەستگیر دەکرێت

ئاڤا نیوز

پۆلیسی ماڵدیڤ وەزیرێکی ئەو وڵاتەی بەتۆمەتی جادووکردن لە دژی محەممەد مویزو، سەرۆکی ئەو وڵاتە دەستگیر کردووە. 

چیرۆکی سەرەکی: پۆلیسی ماڵدیڤ فاتیمە شەمناز، وەزیری ژینگەی دەستگیر کردووە و بە بڕیاری دادگاش تا کۆتایی لێکۆڵینەوەکان لە بەندیخانە دەمێنێتەوە. ئەو تۆمەتبارە بە ئەنجامدانی "جادووی ڕەش" لە دژی سەرۆکی ئەو وڵاتە.

زانیاریی زیاتر: پۆلیس هەروەها ئادەم ڕامیز، هاوسەری پێشووی فاتیمەی لەگەڵ دوو کەسی دیکە لە سەر هەمان دۆسیە دەستگیر کرووە. 

ئەوەی پێویستە بیزانیت: ئەگەر تۆمەتەکە لەسەر ئەو وەزیرە سا‌غ ببێتەوە، بە بەندکردن تا شەش مانگ سزا دەدرێت.

ئەمەش بزانە: کۆماری ماڵدیڤ وڵاتێکە لە کیشوەری ئاسیا، پایتەختەکەی شاری مالێیە و بەپێی یاسای وڵات ئایینی فەرمی بریتییە لە ئیسلامی سوننە مەزهەب، ژمارەی دانیشتووانی 517 هەزار و 887 کەسە و بە یەکێک لەو وڵاتانە دادەنرێت کەمترین  دانیشتووانی هەیە.