مووچەی کرێکارانی خانەنشین لە عێراق زیاد دەکرێت

ئاڤا نیوز

 

لە مانگی داهاتووەوە حکومەتی عێراق بڕیاری زیادکردنی مووچەی کرێکارانی خانەنشین جێبەجێ دەکات و کەمترین مووچە دەبێتە 500 هەزار.

 

وێنە گەورەکە: لە مانگی ئایاری ڕابردوو، ئەنجوومەنی وەزیرانی عێراق بڕیاریدا مووچەی کرێکارانی خانەنشینی بیمەکراو زیاد بکات، زیادکردنەکەش لە 87 هەزار دینار بۆ 150 هەزار دینار دەبێت، لە مانگی تەممووزەوە دەست دەکرێت بە جێبەجێکردنی بڕیارەکە.

 

ڕاگەیێنراوی فەرمی: نەجم ئەلعیقابی، گوتەبێژی وەزارەتی کاری عێراق ڕایگەیاند، لە مانگی تەممووزەوە زیادکردنی مووچەی کرێکارانی خانەنشین بە بڕی 150 هەزار دینار زیاد دەکرێت.

 

لەلایەکی دیکەوە: نەزمی موسا، یاریدەدەری بەڕێوەبەری گشتیی کار و دەستەبەری کۆمەڵایەتی لە وەزارەتی کاری هەرێمی کوردستان بە ئاڤا نیوزی ڕاگەیاند، بڕیارەکەی عێراق کرێکارانی هەرێمی کوردستان ناگرێتەوە، جگە لەو کرێکارانەی مووچە لە وەزارەتی کاری عێراق وەردەگرن.