قایمقامێکی سەر بە حەشدی شەعبی و نزیک لە پەکەکە بۆ شنگال هەڵبژێردرا

ئاڤا نیوز

 

لە کۆبوونەوەی ئەمڕۆ ئەنجوومەنی پارێزگای نەینەوا، پۆستە ئیدارییەکانی قەزا و ناحیەکان یەکلا کرانەوە و کەسێکی سەر بە سەر بە حەشدی شەعبی و نزیک لە پەکەکە بووە قایمقامی شنگال.

 

لێدوانی فەرمی: ئەحمەد کیکی، سەرۆکی فراکسیۆنی پارتی لە ئەنجوومەنی پارێزگای نەینەوا بە ئاڤا نیوزی گوت: پرۆسەکە دوو خاڵی نایاسایی تێیدابوو و دژ بە پەیڕەویی نێوخۆیی بوو، یەکێکیان پێویست بوو ناوەکان لەلایەن پارێزگارەوە پێشکەش بکرێن و دووەمیش 48 کاتژمێر پێشوەختە دیاری بکرێت، هەردووکیان جێبەجێ نەکران.

 

زانیاریی زیاتر: سەیدۆ خەیری، ئەو کەسەی کراوە بە قایمقامی شنگال، سەر بە حەشدی شەعبی و نزیک لە پەکەکەیە، یەکێتیش دەنگی پێداوە.

 

ڕێککەوتنەکە بەمشێوەیە: پێشتر ئاڤا نیوز ئاشکرای کردبوو، پۆستەکانی قایمقامی شنگال و ناحیەی قەیراوان بۆ حەشدی شەعبی دەبن، لە بەرامبەر ئەوە لە مەخموور پۆستی قایمقام و ناحیەکانی سنونێ و گرعزێر بە یەکێتی دەدرێت. 

 

قووڵتر: پارتی و نەینەوا لیئەهلیها، بەشداری دانیشتنەکە نەبوون، یەکێتی و حەشدی شەعبی و لایەنگرانی بەزۆرینە هەموو پۆستەکانی یەکە ئیدارییەکانی سنووری نەینەوایان لەنێوان خۆیان دابەش کردووە.