ئەمریکا بۆ هاووڵاتیانی: گەشت بۆ عێراق مەکەن

ئاڤا نیوز

 

وەزارەتی دەرەوەی ئەمریکا هۆشداریی به‌ هاووڵاتیانی وڵاته‌كه‌ی دەدات گه‌شت بۆ 19 وڵات نەکەن، لەنێویاندا شەش وڵاتی عەرەبی تێدایه‌ و عێراق پێشەنگیانه‌.

 

وێنە گەورەکە: وەزارەتی دەرەوەی ئەمریکا لیستی ئەو وڵاتانەی بڵاوکردەوە کە هاووڵاتیانی ئەمریکی لە گەشتکردن بۆیان ئاگادار دەکاتەوە و پۆلێنیان دەکات بە ئاستی چوارەم كه‌ به‌ بەرزترین  ئاستی مه‌ترسی داده‌نرێت لەسەر ژیانی هاووڵاتیان.

 

زانیاریی زیاتر: لیستەکە 19 وڵات له‌خۆده‌گرێت، شه‌شیان وڵاتی عەرەبین کە بریتین لە عێراق، سوودان، سووریا، یەمەن، لیبیا و سۆماڵ.

 

ئه‌مه‌ش بزانه‌: لە لیستەکه‌دا ئەفغانستان، بیلاڕووس، بورکینافاسۆ، بۆرما، کۆماری ئەفریقای ناوەڕاست، هایتی، ئێران، مالی، کۆریای باکوور، ڕووسیا، باشووری سودان، ئۆکرانیا و ڤەنزوێلا لەخۆ دەگرێت.