کۆنسوڵخانەی چین لە گەڕەکێکی هەولێر باخچەیەکی جیاواز دروست دەکات

ئاڤا نیوز

 

بڕیار وایە کۆنسوڵخانەی چین لە هەولێر، باخچەیەکی جیاواز و بە دیزاینی وڵاتی چین دروست بکات.

 

وێنە گەورەکە: چەند ساڵێکە پەیوەندیی ئابووریی نێوان چین و عێراق و هەرێمی کوردستان لە ئاستێکی بەرزدایە، دروستکردنی ئەو پارکە بەخشینی کونسوڵخانەی چینە بۆ شاری هەولێر.

 

لێدوانی فەرمی: سەروەر وەیسی، بەڕێوەبەری ڕاگەیاندنی ئەندازەی پارکەکانی هەولێر بە ئاڤا نیوزی ڕاگەیاند: ئەو باخچەیەی دروست دەکرێت لەسەر ڕووبەری پێنج دۆنمە، هەمان دیزاینی باخچەکانی وڵاتی چینی هەیە و دەکەوێتە گەڕەکی نازناز، تەواوی تێچووەکەی لەسەر کونسوڵخانەی چینە.

 

خاڵی ئەرێنی: سەروەر وەیسی دەڵێت: لە کۆتایی ئەم هەفتەیە بەردی بناغەی بۆ دادەنرێت، 80%ـی سەوزایی دەبێت و ئەوەی دیکە شوێنی ڕاکردن و یاری منداڵانی لێ دادەنرێت، تەواوکردنی ساڵێک دەخایەنێت.

 

باکگراوند: لە شاری هەولێر 22 پارکی گەورە و 360 باخچەی بچووک و 88 دوورگەی ناوەندی هەن.