ئەرجەنتین بزووتنەوەی حەماسی فەلەستینی وەک "ڕێکخراوێکی تیرۆریستی" ناساند

ئاڤا نیوز  

سەرۆکایەتی ئەرجەنتین بزووتنەوەی حەماسی فەلەستینی وەک "ڕێکخراوێکی تیرۆریستی" ناساند، بە بەرپرسیاریشی دەزانێت لە چەند هێرشێک بۆ سەر "جولەكەكان"ی وڵاتەکەی.

وێنە گەورەکە: بڕیارەکەی ئەرجەنتین لە کاتێکدا دێت کە شەڕی نێوان ئیسرائیل بزووتنەوەی حەماسی فەلەستینی لە مانگی ئۆكتۆبەری ساڵی ڕابردووەوە لە کەرتی غەززە بەردەوامە. 

ڕاگەیێنراوی فەرمی: نووسینگەی خاڤیر میللی، سەرۆکی ئەرجەنتین بزووتنەوەی حەماسی فەلەستینی وەک "ڕێکخراوێکی تیرۆریستی" ناساند و ئاماژە بە پەیوەندییە نزیکەکانی حەماس لەگەڵ ئێران دەکات، بە بەرپرسیاری دوو هێرشی چەکداری دەزانێت بۆسەر دوو شوێنی جولەكەكان لە وڵاتەکەیدا.

زانیاریی زیاتر: دوای گەیشتنی بۆ ئیسرائیل، خاڤیر میللی، سەرۆکی ئەرجەنتین ڕایگەیاند "بەنیازین باڵیۆزخانەی وڵاتەکەمان بگوازینەوە بۆ ئۆرشەلیم".

 

باكگراوند: لە ساڵی 1994 بنكەیەكی ڕەوەندی جوولەكەكان لە بۆینس ئایرسی پایتەختی ئەرجەنتین كرایە ئامانج و بەهۆیەوە زیاتر لە 80 كەس كوژران، ئەرجەنتین ئەوكات ئێران و گرووپەكانی نزیك لێی تۆمەتبار كرد.