ئیلۆن مەسک دەبێتە سپۆنسەری دۆناڵد ترەمپ

ئاڤا نیوز

ئێلۆن مەسک، ملیاردێری بەناوبانگی ئەمریکا، سپۆنسەری گرووپێکی سیاسی دەکات کە کار  بۆ سەرکەوتنی دۆناڵد ترەمپ لە هەڵبژاردنی ئەمریکا دەکەن. 

چیرۆکی سەرەکی: ئاژانسی بلومبێرگ کە ڕاپۆرتەکەی بڵاوکردووەتەوە، ئاماژەی بە بڕی ئەو پارەیە نەکردووە کە ئێلۆن ماسک بەخشیویەتی، بەڵام ئاماژەی بەوە کردووە کە بڕە پارەیەکی زۆرە و بە گرووپێکی ئەمریکی بە ناوی BAC دراوە. 

ئەمەش بزانە: گرووپێکی تایبەت بە چالاکی سیاسییە و بەشێوەیەکی بێسنوور سپۆنسەر دەکرێت. بەگوێرەی ڕێنماییەکان پێویستە تاوەکو 15ـی ئەم مانگە لیستی بەخشەرەکانی بۆ ڕای گشتی ئاشکرا بکات. 

ئەوەی پێویستە بیزانیت: هەفتەی داهاتوو بەفەرمی دۆناڵد ترەمپ وەک کاندیدی کۆمارییەکان بۆ هەڵبژاردنی سەرۆکایەتیی ئەمریکا دیاری دەکرێت، کە بڕیارە لە 5ـی تشرینی دووەمی 2024 بکرێت.

بۆچوونی بەرامبەر: لەبارەی سپۆنسەر کردن بۆ سەرکەوتنی ترەمپ، ئاژانسی ڕۆیتەرز داوای وەڵامی لە ئیلۆن مەسک کردووە، بەڵام وەڵامی نەداتەوە. 

زانیاریی زیاتر: چەندینجار ئیلۆن مەسک ڕەخنەی لە سیاسەتەکانی بایدن لەبارەی کۆچ و ئۆتۆمبێلی کارەبایی و تەنانەت تەمەنەکەشی گرتووە، بەڵام تائێستا بەفەرمی ئاشکاری نەکردووە لە هەڵبژادندا پاڵپشتی چ لایەنێک دەکات.