د. خانزاد ئەحمەد: هەماهەنگی زیاترمان  لەگەڵ OIC دەبێت

ئاڤا نیوز

ئەمینداری ئەنجوومەنی باڵای خانمان و گەشەپێدان ڕایدەگەیێنێت، ئەوەی ئۆفیسی OIC کردی تەرجومەی کارنامەی کابینەی نۆیەم بوو، گەنجان شایستەی ئەوەن ڕۆڵیان پێبدرێت.

 

چیرۆکی سەرەکی: بە چاودێریی سەرۆکوەزیران بارزانی، ئۆفیسی دەستپێشخەری و پەیوەندییەکان - OIC، دوێنێ لە ڕێوڕەسمێکدا کۆتایی بە خولێکی شەش مانگی هێنا بۆ  چوار هەزار و 200 گەنجی ناوخۆ و تاراوگە، لێکتێگەیشتنێکیشی لەگەڵ قەتەر فاوندەیشن واژۆ کرد.

 

لێدوانی فەرمی: د. خانزاد ئەحمەد، ئەمینداری ئەنجوومەنی باڵای خانمان و گەشەپێدان لە چاوپێکەوتنێکدا لەگەڵ ئاڤا میدیا گوتی، لە ئەنجوومەنی خانمان پلانی ستراتیژییان بۆ پێنج ساڵ داناوە و لە داهاتوودا هەماهەنگی زیاتریان لەگەڵ ئۆفیسی OIC دەبێت.

 

لەلایەکی  دیکەوە: لەبارەی واژۆکردنی یاداشتی لێکتێگەیشتن لەگەڵ قەتەر فاوندەیشن د. خانزاد گوتی: "گەنجان دەبێت بە نیشتمانپەروەی گۆش بکرێن و داهاتوو بۆ گەنجان و خانمانە، ئەزموونی وڵاتانیش زۆر گرنگە و دەبێت لەوانەوە فێربین".