عەبدولخالق تەڵعەت: ئەگەر پێویست بكات ژمارەی پاسەوانانی سنوور زیاد دەكەین

ئاڤا نیوز 

بە گوتەی نوێنەری حكومەتی هەرێمی كوردستان لە فەرماندەیی هێزە هاوبەشەكانی عێراق، زیادكردنی پاسەوانی سنوورەكانی هەرێمی كوردستان، پەیوەندی بە بارودۆخەكە هەیە و دەڵێت" ئەگەر پێویست بكات ژمارەیان زیاد دەكەن".

وێنە گەورەكە: پێكدادان و ئاڵۆزییەكانی نێوان پەكەكە و توركیا لە ناوچە سنوورییەكانی هەرێمی كوردستان ساڵانێكە بەردەوامە و زیانی ماددی و گیانی زۆری بە هاونیشتمانییان گەیاندووە.

لێدوانی فەرمی: عەبدولخالق تەلعەت، نوێنەری حكومەتی هەرێمی كوردستان لە فەرماندەیی هێزە هاوبەشەكانی عێراق بە ئاڤا نیوزی ڕاگەیاند: هیچ هێزێكی عێراقی بە بێ ڕێككەوتن ناتوانێت بێتە نێو هەرێمی كوردستان، چونكە هێزی سەربازی خۆمان هەیە، بەڵام ئەگەر بارودۆخی سنوورەكان خراپتر ببێت بەدڵنیایی هێزی پاسەوانی سنوور زیاد دەكرێت.

ئەوەی پێویستە بیزانیت: ژمارەی پاسەوانانی سنوور لە سنوورەكانی هەرێمی كوردستان زیاترە لە 10 هەزار پاسەوان.