وەزارەتی دارایی لەبارەی مووچە نیازپاكی بەرامبەر بەغدا ڕاگەیاند

ئاڤا نیوز

ئاوات شێخ جەناب، وەزیری دارایی و ئابووری هەرێمی کوردستان، پێشوازی لە شاندێکی هاوبەشی دیوانی چاودێری دارایی عێراق و هەرێمی کوردستان کرد، نیازپاکی وەزارەتەکەی بەرامبەر لیژنەکانی بەغدا ڕاگەیاند.

ڕاگەیێنراوی فەرمی: لە دیدارێکەدا گفتوگۆ لەسەر کارەکانی تیمی هاوبەشی هەردوو دیوانی چاودێری دارایی لە وەزارەت و دامودەزگاکانی هەرێمی کوردستان لە ماوەی ڕابردوودا کرا، وەزیری دارایی پشتیوانی وەزارەت و بەڕێوبەرایەتییەکانی بۆ کاری تیمە هاوبەشەکان دووپاتکردەوە.

زانیاریی زیاتر: ئاوات شێخ جەناب ڕایگەیاندووە "بەردەوام دەرگامان بۆ تیمەکانی دیوانی چاودێری دارایی کراوە بووە بۆ وردبینی و بەدواداچوون لەسەر لیستی مووچە و داهات و خەرجییەکانی هەرێمی کوردستان". 

      
لە لایەكی دیكەوە: شاندی هاوبەشی دیوانی چاودێری دارایی عێراق و هەرێمی کوردستان سوپاسی وەزیری دارایی و سەرجەم بەڕێوبەرایەتییەکانیان کردووە لەپای ئەو هاوکاری و هەماهەنگییەی بۆ سەرخستنی کارەکانیان کردوویانە.

 

وێنە گەورەكە: زیاتر لە شەش مانگە چەندین لیژنەی چاودێری لە عێراقەوە سەردانی هەرێمی كوردستان دەكەن بۆ چاودێری و وردبینی لە لیستی فەرمانبەرانی هەرێمی كوردستان.