دوو سەرکردەی باڵای گرووپی "قوربانییەکان" دەستگیرکران

ئاڤا نیوز  

لە پارێزگای بەسڕە دوو سەرکردەی باڵای گرووپی "قوربانییەکان" یاخود "عەلاهەییەکان" لەلایەن هێزە ئەمنییەکانی ئەو پارێزگاکەوە دەستگیرکران.

زانیاریی بەدەستهاتوو: سەرچاوەیەکی ئەمنی لە پارێزگای بەسرە بە میدیای عێراقی ڕاگەیاند: لە ئۆپەراسیۆنێکی هێزە ئەمنییەکان لە ناوەندی پارێزگای بەسڕە توانرا دوو سەرکردەی باڵای گرووپێکی قەدەغەکراو دەستگیر بکرێن.

لە لایەکی دیکەوە: ئەمڕۆ دەزگای ئاسایشی نیشتیمانی عێراق دەستگیرکردنی چوار ئەندامی گرووپی "توندڕەوی عەلاهی" لە قەزای نوعمانیە لە پارێزگای واست ڕاگەیاند کە پلانی کوشتنی قوربانییەکیان دانابوو.

ئەوەی پێویستە بیزانیت: عەلاهییەکان گرووپێکی "تووندڕەو"ـی شیعەن، بەوە ناسراون ئەندامانی خۆیان و خەڵکی دیکەش دەکەنە قوربانی "لەپێناو خودا".

گۆشەیەكی دیكە: ڕۆژی 29ی حوەزیران دەزگای ئاسایشی نیشتمانیی عێراق، دەستگیرکردنی 31 گەنجی خوار تەمەن 23 ساڵانی ڕاگەیاند، كە سەر بە گرووپێک بوون بە ناوی "قوربانییەکان".