چین سەرکەوتنی یەکەم تاقیکردنەوەی تۆڕی ئینتەرنێتی 6G ڕاگەیاند

ئاڤا نیوز

 

ئەندازیارانی زانکۆی پۆستە و پەیوەندییەکانی پەکین لە چین توانیویانە بەسەرکەتوویی یەکەم تاقیکردنەوەی مەیدانی نەوەی شەشەم '6G' ئەنجام بدەن. 

 

وێنە گەورەکە: لەساڵی 1979ـەوە نەوەی یەکەمی تۆڕی پەیوەندی تەلەفۆنی هاتووەتە کایەوە و ئێستا جیهان لە قۆناغی جێبەجێکردنی نەوەی پێنجەمە '5G'، چاوەڕوان دەکرێت نەوەی شەشەم خێرایی تۆڕەکانی پەیوەندی و ئینتەرنێت بگەیەنێتە ئاستێکی بەرزتر.

 

ڕاگەیێنراوی فەرمی: کونسوڵخانەی چین لە هەولێر ڕایگەیاندووە، ئەندازیارانی وڵاتەکەی توانیویانە سەرکەوتوانە یەکەم تاقیکردنەوەی مەیدانی تەکنەلۆژیای بێ وایەری نەوەی شەشەم '6G' و یەکخستنی لەگەڵ زیرەکی دەستکرد ئەنجام بدەن.

 

زانیاریی زیاتر: نەوەی شەشەم '6G' لەژێرخانی تۆڕی '4G'ـی ئێستا پەرەی پێدراوە، توانای پەیوەندی تۆڕی ئینتەرنێت 10 هێندەی ئێستا زیاد دەکات؛ چین دەیەوێت تاوەکو ساڵی 2030 بەبازاڕکردنی ئەو تەکنەلۆژیایە بە ئەنجام بگەیێنێت.