بیڵ و هیلاری کلینتۆن پشتگیری خۆیان بۆ بەربژێربوونی کامالا هاریس ڕادەگەیەنن

ئاڤا نیوز 

 

بیڵ کلینتۆن، سەرۆکی پێشووی ئەمریکا و هیلاری کلینتۆن، وەزیری پێشووی دەرەوەی ئەمریکا، ستایشی بڕیارەکەی جۆ بایدنیان کرد و پشتیوانی خۆیان بۆ بەربژێرکردنی کامالا هاریس دەربڕی.

 

وێنە گەورەکە: لە ڕاگەیێنراوێکی هاوبەشدا، بیڵ و هیلاری کلینتۆنی هاوژینی ستایشی “خزمەتکردن"ـی بایدنیان کرد و پشتیوانی خۆیان بۆ کاندیدکردنی جێگری سەرۆکەکەی، کامالا هاریس، بۆ پۆستی سەرۆکایەتیی ئەمریکا ڕاگەیاند.

 

ڕاگەیێنراوی فەرمی: کلینتۆنەکان ڕایانگەیاند، "ڕێز لە بایدن دەگرین کە پشتگیریی هاریسی کردووە وەک بەربژێری دیموکراتەکان و هەموو هەوڵێک دەدەین بۆ پشتگیریکردنی هاریس.

 

لەلایەکی دیکەوە: نیگەرانی خۆیان لە بەربژێربوونی ترەمپ دەربڕی و ئەوەشیان نەشاردەوە کە ئەو مایەی نیگەرانییە بۆ داهاتووی ئەمریکا، چونکە بەڵێنی داوە لە ڕۆژی یەکەمەوە" دیکتاتۆر" بێت.