کێشەی مووچەی خانەنشینانی هێزەکانی یەکەی 70 چارەسەر کرا

ئاڤا نیوز 

 

وەزارەتی دارایی و ئابووریی هەرێمی کوردستان چارەسەرکردنی کێشەی مووچەی دوو مانگی خانەنشینانی هێزەکانی یەکەی 70ـی ڕاگەیاند.

 

ڕاگەیێنراوی فەرمی: وەزارەتی دارایی بڕیاری خەرجکردنی مووچەی مانگی ئایار و حوزەیرانی خانەنشینانی هێزەکانی یەکەی 70 بە شێوەی سلفە داوە، تاوەکو کێشەکەیان بە یەکجاری چارەسەر دەکرێت.

 

هۆکارە زانراوەکان: ئەو خانەنشینانەی یەکەی 70 کە تاوەکو ئێستا هیچ داتا و زانیاری و  دۆسیەیەکیان لە بەڕێوەبەرایەتییەکانی ژمێرکاری و خانەنشینی وەزارەتی دارایی نییە، هیچ تەرخانکراوێکی داراییان بۆ نەکراوە.

 

لەلایەکی دیکەوە: وەزارەتی دارایی دەڵێت: بەرپرسیار نین لە دواکەوتن و دابەشکردنی مووچەکانیان، پێویستە فەرماندەی هێزەکانی یەکەی 70 کاربکات بۆ ئەوەی بەزووترین کات دۆسیەکانیان بگوازرێتەوە سەر بەڕێوبەرایەتی  خانەنشین. 

 

ئەوەی پێویستە بیزانیت: ژمارەی ئەو خانەنشینانە زیاتر لە نۆ هەزار کەسە و مووچەی مانگانەیان نزیکەی چوار ملیار دینارە.