ئەو ئۆتۆمبێل و ماتۆڕانەی خەڵک بێزار دەکەن دەستیان بەسەردا دەگیرێت

ئاڤا نیوز  

پارێزگای هەولێر لەگەڵ لیژنە ئەمنییەکانی شارەکە کۆدەبێتەوە و جەخت لە بەردەوامیی هه‌ڵمه‌تی ده‌ستبه‌سه‌رداگرتنی چه‌کی بێ مۆڵه‌ت و نەهێشتنی دیاردەی سواڵکردن دەکاتەوە.

وێنە گەورەکە: بە بڕیاری حکومەتی هەرێمی کوردستان، لیژنە ئەمنییەکانی شاری هەولێر، کار بۆ نەهێشتنی دیاردەی سواڵکردن و دەستبەسەرداگرتنی ئۆتۆمبێل و ماتۆڕی بێ مۆڵەتیش دەکەن.

ڕاگەیێنراوی فەرمی:ئومێد خۆشناو، پارێزگاری هەولێر لەمیانەی کۆبوونەوەیەکدا لە پارێزگای هەولێر جەختی لە به‌رده‌وامیدان به‌ هه‌ڵمه‌تی ده‌ستبه‌سه‌رداگرتنی چه‌کی بێ مۆڵه‌ت و قه‌ڵاچۆکردنی دیارده‌ی سواڵکردن و فاڵگره‌وه‌ و وه‌ستان له‌ ترافیکلایته‌کان و ده‌ستبه‌سه‌رداگرتنی ئه‌و ئۆتۆمبێل و ماتۆڕانه‌ی بێ مۆڵه‌تن و ده‌بنه‌ سه‌رچاوه‌ی نائارامی و سه‌رئێشه‌ بۆ هاونیشتمانییان کردەوە.