سەرۆكوەزیران بارزانی پیرۆزبایی لە یانەی وەرزشیی دهۆک دەكات

ئاڤا نیوز

 

بە بۆنەی سەركەوتنی یانەی وەرزشیی دهۆك بۆ نوێنەرایەتیی یانەكانی عێراق لە جامی كەنداو، سەرۆكوەزیران بارزانی پەیامێكی پیرۆزبایی ئاراستەی یانەكە دەكات.

 

وێنە گەورەكە: ئێوارەی ئەمڕۆ، لەنێو یاریگەی شەعب لە بەغدا، یانەی دهۆک لە یارییەكی تۆپی پێدا، بە گۆڵێكی بێ بەرامبەر بەسەر یانەی نەجەف سەركەوت و بەمەش بووە نوێنەری عێراق لە جامی كەنداو.

 

ڕاگەیێنراوی فەرمی: سەرۆكوەزیران بارزانی لە پەیامێكیدا ڕایگەیاند: بە بۆنەی بردنەوە و سەركەوتنی یانەی وەرزشیی دهۆك و سەركەوتنی بۆ نوێنەرایەتیی یانەكانی عێراق لە جامی كەنداو، گەرمترین  پیرۆزبایی لە سەرۆک و تەواوی وەرزشوان و هەوادارانەی یانەی وەرزشیی دهۆك دەكەم و هیوای سەركەوتن و پێشكەوتنی زیاترە بۆ یانەی دهۆك و تەواوی یانەكانی كوردستان  دەخوازم، هیوادارم هەردەم پێشەنگ بن.