ده‌ست به‌ وه‌رگرتنی پاره‌ی حاجییان ده‌كرێت

ئاڤا دیجیتاڵ

بەڕێوەبەری گشتی حەج و عومرەی هەرێمی كوردستان ڕایگەیاند، سبەی ده‌ست به‌ وه‌رگرتنی پاره‌ی حاجیان دەكه‌ن و‌ ماوه‌ی هه‌فته‌یه‌ك به‌رده‌وام ده‌بێت.

لێدوانی فەرمی: له‌ كۆبوونه‌وه‌یەكدا نیاز راغب نه‌قشبه‌ندی، به‌رێوه‌به‌ری گشتی حه‌ج و عومره‌ی هه‌رێمی كوردستان  رایگه‌یاند:‌ هه‌ماهه‌نگییه‌كی باش له‌گه‌ڵ ده‌سته‌ی باڵای حه‌ج و عومره‌ی عێراق دا هه‌یە و‌ دواجار به‌ هه‌وڵی هه‌موو لایه‌ك توانرا پاره‌ی حاجیانی ئه‌مساڵ 2024 به‌ دینار عیراقی وه‌ربگرێت له‌سه‌ر بنه‌مای نرخی دۆلار بۆ هه‌ر 100 دولار 13 هەزار دیناری عێراقی.

"تێچووی حه‌جی حاجییانی هه‌رێمی كوردستان هه‌مان تێچووی حاجیانی عێراقه‌ كه‌ بۆ گه‌شتی ئاسمانی به‌ فرۆكه‌ بریتییه‌ له‌ شه‌ش ملیۆن و سێ سه‌د و په‌نجا هه‌زار دیناری عیراقی ، بۆ گه‌شتی وشكانی به‌ پاس پێنج ملیۆن و سێ سه‌د هه‌زار دیناری عێراقییه‌ و هه‌ر كه‌سێك مامه‌ڵه‌كانی ته‌واو بكات و پاره‌كه‌ بدات دواتر به‌ هه‌ر بیانوویه‌ك بێت ئه‌و بڕه‌ پاره‌یه‌ی بۆ ناگه‌رێته‌وه"‌.

زانیاريی زیاتر: به‌رێوه‌به‌ری گشتی حه‌ج و عومڕه‌ نووسینگه‌كانی حه‌ج و عومره‌ی راسپارد،‌ له‌ سبه‌ی رێكه‌وتی 11/2/2024 ده‌ست به‌ وه‌رگرتنی پاره‌ی حاجییان بكه‌ن كه‌ ماوه‌ی هه‌فته‌یه‌ك به‌رده‌وام ده‌بێت و له‌ 18/2/2024 كۆتایی دێت، هه‌ر كه‌سێك له‌و ماوه‌یه‌دا پاره‌ی حه‌ج نه‌دات مافی حه‌جكردنی نامێنێت.