لە هەولێر سێ تۆمەتبار بە بڕی 40 کیلۆ ماددەی هۆشبەر دەستگیر دەکرێن

ئاڤا نیوز

 

بەڕێوەبەرایەتیی نەهێشتنی ماددە هۆشبەرەكان ئاشكرای دەكات كە لە دوو چالاكیدا ژمارەیەک تۆمەتبار دەستگیر كراون و دەستیش بەسەر 40 كیلۆ ماددەی هۆشبەری جۆری كڕیستاڵ و 19 پەرتووكی ڕووپۆشكراو بە هەمان ماددەدا گیراوە.

 

وێنە گەورەكە: بەڕێوەبەرایەتییەكە دوو چالاكیی خۆی ڕادەگەیێنێت کە لە یەكەمیان دەست بەسەر 19 مەلزەمە لە شێوەی پەرتووکدا گیراوە کە ڕووپۆش کراون بە ماددەی هۆشبەر لە جۆری کریستاڵ (میتاڤیتامین) و ئامادە کرابوون بۆ وڵاتی بەریتانیا بگوازرێنەوە، لە چالاكیی دووەمیشدا تیمەكانی بەڕێوەبەرایەتییەكە لە شاری هەولێر، توانیویانە سێ تۆمەتبار بەبڕی (40) کیلۆگرام ماددەی هۆشبەر لە جۆری کریستاڵ دەستگیر بکەن.

 

ڕاگەیێنراوی فەرمی: بەڕێوەبەرایەتیی نەهێشتنی ماددە هۆشبەرەكان ئاشكرای كردووە كە لە چالاكیی یەكەمدا بە فەرمانی دادوەری لێکۆڵینەوەی ئاساییش، بەرێوەبەرایەتیی ماددە هۆشبەرەکانی سەر بەدەزگای ئاسایشی هەرێم/ سلێمانی لە تۆمەتبار و سەرچاوەی هاتنی ئەو پەرتووکانە ئاگادار كراوەتەوە بە مەبەستی دەستگیرکردنیان، چونکە زانیاری هەبووە بڕێکی دیكەی ماددەی هۆشبەر بەهەمان شێوە ئامادە کرابن بۆ گواستنەوەیان.

 

زانیاریی زیاتر: تۆمەتبارەکان بەپێی یاسای بەرەنگاربوونەوەی ماددە هۆشبەرەکان ڕاگیراون و لەژێر لێکۆڵینەوەدان.